Ən-Nüsrə Cəbhəsi qruplaşmasının silahlı ünsürləri digər silahlı qrupların nəzarətində olan İdlib vilayətinin mərkəzi həbsxanasına hücum ediblər.

Əl-Məyadin televiziyasının məlumatına görə, Ən-Nüsrə Cəbhəsi silahlılarının müxalif silahlı qrupların nəzarətində olan İdlibin mərkəzi həbsxanasına hücumun kadrları yayımlanıb. Ən-Nüsrə Cəbhəsinin silahlıları həbsxanada olan Səquruş-Şam silahlı qrupunun onlarla üzvünü qətlə yetiriblər.

Başqa bir məlumata görə, Qarrə və əl-Bric qəsəbəsi arasında bir ərazidə Suriya ordusunun pusqusuna düşən 5 İŞİD-çi öldürülüb.

Suriya Ordusu Müharibə Təbliğatı Qərargahı İŞİD terrorçularının cəsədlərinin kadrlarını yayımlayıb. Bu terrorçular Qərbi Qələmundan Şərqi Qələmunda yerləşən əl-Məhsə bölgəsinə nüfuz etməyə cəhd ediblər.