Səudiyyə Ərəbistanının cənubunda Ceyzan bölgəsində yerləşən Əl-Qərn, Əddəfinə, Əl-Kərs hərbi qərargahları Yəmən raketlərinin hədəfində olub.

Fars informasiya agentliyinin verdiyi məlumata görə, Yəmən ordusu bildirib ki, bu hücumlarda Əl-Qərn qərargahında bir neçə səudiyyəli hərbçi ölüb.

Yəmən mənbələri bildiriblər ki, Yəmən ordusu və xalq qüvvələrinin arteleriya bölməsi Ələb, Əl-Şəbəkə və Əlqəam bölgələrində Səudiyyə hərbçilərinin toplaşdıqları yeri də hədəfə alıb.

Yəmənin Əl-Məsirə telekanalı idsə bildirib ki, Yəmən ordusunun raket bölməsi Səudiyyə Ərəbistanının cənubunda Əsir bölgəsində Zəhran ərazisində Səudiyyə hərbçilərinin toplaşdıqları yeri dağıdıb. 

Səudiyyə Ərəbistanının paytaxtı Ərrəyadın qərbində Əl-Müzahimiyyə bölgəsində yerləşən bir hərbi qərargah da dünən Yəmən ordusunun müasir ballestik raketinin hədəfinə çevrilib.