Fələstinin mübariz qrupları Ərəbistanın xarici işlər naziri Adil Əl-Cübəyrin Fələstin İslami Müqavimət Hərəkatı Həmas-a qarşı son açıqlamasını kəskin formada qınayıblar.

Fələstin İnformasiya Mərkəzinin verdiyi məlumata görə, fələstinli qruplar cümə axşamı bir bəyanat yayaraq, Ərəbistan xarici işlər nazirinin Həmas əleyhinə səsləndirdiyi fikirlərin İsrail rejiminin razılığının əldə edilməsi istiqamətində söylənilmiş fikirlər olduğunu bildiriblər. 

Adil Əl-Cübəyr çərşənbə axşamı Qətərin Həması himayə etməsi barədə xəbərdarlıq edərək, Qətərin Həmas kimi qruplara yardımlarını dayandırmalı olduğunu demişdi.