SAHAR

Qəzəb Günü aksiyaları işğal olunmuş Fələstin ərazilərindən daha geniş yayılıb və islam və ərəb ölkələrinin minlərlə vətəndaşı cümə namazından sonra sionist rejimin Məscidül-Əqsaya hücumlarına etiraz olaraq aksiya keçirib.

İRİB-in məlumatına görə, Fələstinlə sərhəd olan Livanın Marvis əl-Rəs qəsəbə sakinləri cümə günü fələstinlilərin səsinə səs verərək Məscidül-Əqsaya dəstək aksiyasında iştirak ediblər. 

İordaniya paytaxtı Əmmanda və bu ölkənin digər vilayətlərində minlərlə vətəndaş aksiya keçirərək islam və ərəb ölkələrinin sionist rejimin Məscidül-Əqsaya hücumları qarşısında güclü mövqe sərgiləməsini istəyib. 

İraq və Yəmən vətəndaşları da Qüds, Fələstin xalqı və Məscidül-Əqsaya dəstək üzrə aksiya keçirərək sionist rejimin bu müqəddəs məkana hücumlarını pisləyiblər.