Bəhreynlilər dağıdılmış məscidlərin yerində namaz qılırlar
-
Bəhreynlilər dağıdılmış məscidlərin yerində namaz qılırlar
Bəhreyndə Ali-Xəlifə rejimi tərəfindən dağıdılmış şiələrə məxsus məscidlərin təxminən yarısı muzey və parka çevrilib.
Mehr xəbər agentliyinin verdiyi məlumata görə, 2011-ci il 14 fevral inqilabından bu günədək Ali-Xəlifə rejimi Bəhreyn şiələrinin 40 məscidini dağıdıb.
Eyni zamanda Bəhreyn xalqı dünən məğrib və işa namazlarını Ali-Xəlifə rejimi tərəfindən dağıdılmış Əl-Ələviyyat məscidinin dağıntılarında qılıblar.
Bəhreyn xalqı Ali-Xəlifə rejiminin intiqam xarakterli məhdudiyyətlərinə rəğmən sökülmüş məscidlərin dağıntılarında namaz qılırlar. Bəhreyn xalqının bu qərarı namaz qılanlar və imam camaatların tez-tez çağırılmaları və həbs edilmələri ilə nəticələnir.
2011-ci il fevral ayından bəri Bəhreyn Ali-Xəlifə rejiminə qarşı dinc aksiyaların şahididir. Bəhreyn xalqı ölkədə siyasi islahatların aparılması, ədalət və azadlığın təmin olunması, ayrı-seçkiliklərə son qoyulması və xalqın səsi ilə seçilmiş hökumətin yaradılmasını istəyir amma Ali-Xəlifə rejimi xalqa qarşı repressiyalar tətbiq edir.
