İraqın Qadimun əməliyyatının komandanı Neynəva vilayətində yerləşən Təl-Əfər şəhərinin bütün məntəqələrinin tam şəkildə İŞİD-in işğalından çıxarılmasından xəbər verib.

İraqın Qadimun əməliyyatının komandanı Əbdulamir Rəşid Yarəllah deyib: İraqın ordusu və həşduşşəbi qüvələri bu gün səhər Təl-Əfərdəki "Həyələskəri" və "Əlsənaə Əlşumaliyyə" məntəqələrini İŞİD terrorçularının işğalından azad edərək, bütün şəhəri ələ ala biliblər. Beləliklə Təl-Əfər şəhərinin bütün 29 məntəqəsi İŞİD terrorçularının işğalından azad edilib.

İraqın Müdafiə Nazirliyi də bildirib ki, bu ölkənin silahlı qüvvələri Təl-Əfər şəhərinin bütün məntəqələrini öz nəzarətlərinə alıblar. Belə bir halda, Livanın Əlməyadin telekanalı İraqın Müdafiə Nazirliyinin Təl-Əfər şəhərinin tam şəkildə azad edildiyini bildirməsindən sonra bu şəhərin içərisindən təsvirlər yayıbdır. İraqlı qüvvələr bu qələbəyə görə, Təl-Əfər şəhərinin mərkəzində şənlik edirlər.