Beynəlxalq Amnistiya Təşkilatı Ərəbistanın müxaliflərinə qarşı zorakılıqları qarşısında sükut etməsinə görə Qərbi qınadı
-
Beynəlxalq Amnistiya Təşkilatı Ərəbistanın müxaliflərinə qarşı zorakılıqları qarşısında sükut etməsinə görə Qərbi qınadı
Beynəlxalq Amnistiya Təşkilatı Qərb dövlətlərinin Səudiyyə Ərəbistanının müxaliflərinə qarşı repressiyaları qarşısında sükut etməsini qınayıb.
Röyters-in verdiyi məlumata əsasən Beynəlxalq Amnistiya Təşkilatı çərşənbə axşamı bildirib: Qərb dövlətləri Ər-Riyad hökumətinin müxaliflərinə qarşı rəftarlarına göz yummamalıdırlar. Çünki, Ərəbistanda insan haqlarının pozulması halları daha geniş və daha aşkar hal almağa başlayıb.
Beynəlxalq Amnistiya təşkilatı bazar ertəsi günü də bir bəyanat yayaraq, dünya ictimaiyyətinin Ərəbistana təzyiq göstərməsini və bu yolla süiyasi müxaliflərin repressiyasına son qoyulmasını, həbsdə olan siyasi və ictimai fəalların azadlığa buraxılmasını istəyib.
Beynəlxalq Amnistiya Təşkilatı bu bəyanatı Kanadanın Ərəbistanda insan haqlarının pozulmasından narahatlığını bildirməsinin ardınca Ər-Riyad ilə Ottava arasındakı münasibətlərin gərginləşməsinin ardınca yayıb.
Beynəlxalq Amnistiya Təşkilatının bəyanatına əsasən Ərəbistan hökuməti cari ilin may ayının ortalarından bəri insan haqları fəalı olan 17 qadın və kişini qadınlara sürücülük haqqını himayə kampaniyasına görə həbs edib.
Ərəbistan vəliəhdi Məhəmməd bin Salman sözdə islahatlar aparmaq bəhanəsi ilə öz müxaliflərinə qarşı repressiya dalğasını gücləndirib. Əslində siyasi məqsədlərə xidmət edən formal islahatların arxasında siyasi, ictimai və mədəni aktivistlərin həbs olunması planı dayanır.
