Suriyanın XİN və miqrasiya nazirliyi bir bəyanatda Ali-Səudun Suriyanın infrastrukturunu dağıtmış terrorçulara dəstək verməsini qəbulolunmaz adlandırıb.

Səudiyyə Ərəbistanı son günlər ABŞ-ın başçılıq etdiyi Suriyaya qarşı "beynəlxalq anti-İŞİD koalissiyası"-na 100 milyon maliyyə yardımı verib.Halbuki həmin koalissiyanın Suriyanın müxtəlif bölgələrinə hücumlarında indiyədək minlərlə mülki ölüb və yaralanıb. 

Əl-Aləm telekanalının verdiyi məlumata görə, Suriya XİN və Miqrasiya Nazirliyi Ali-Səudun siyasətlərini pisləyərək sözü gedən koalissiyaya maliyyə yardımların dayandırılmasına çağırıb. 

Bəyanatda həmçinin sözü gedən koalissiyanın sadəcə terrorçuların mənafeyini nəzərə aldığı və regionda sülh və təhlükəsizliyə qarşı təhdid olduğu bildirilərək üzv ölkələrin bu koalissiyadan çıxmaları istənilib. 

Səudiyyə Ərəbistanı Suriyada böhran başlandığı gündən Suriya hökumətinin əleyhinə terrorçuları himayə edib.