SAHAR

Suriyanın Hələb şəhərinin ətrafına qarşı raket hücumunda iki mülki ölüb, on nəfər də yaralanıbdır.

SəhərAzəri-nin məlumatına əsasən, YPG kürd qüvvələri dünən gecə “Təl-Rəfət” bölgəsindən Hələbdən şimal-qərbdə yerləşən Əfrin şəhərinin yaşayış massivlərini yeddi ədəd raketlə atəşə tutublar. Nəticədə biri uşaq olmaqla iki mülki şəxs ölüb, on nəfər də yaralanıbdır.

Türkiyənin və onun tabeliyindəki terror qruplarının işğalı altında olan bölgələr terrorçular arasında intensiv döyüşlərin və qeyri-stabil vəziyyətin şahididirlər. Bu məsələ əhalinin həmin vəziyyətdən zərər çəkməsinə bais olub.

Türkiyə ordusu 2016-cı ildə “Fərat qalxanı” və “Zeytun budağı” adlı iki əməliyyatda Cerabulus, Əzaz, Əlbab şəhərləri və Əfrin də daxil olmaqla Suriya ərazisinin dörd min kvadrat kilometrini ələ keçirdi.

Türkiyə ordusu iki ildən çoxdur ki, terrorçularla mübarizə bəhanəsilə Suriya ərazisindən bəzi bölgələri qəsb edibdir.

Türkiyənin/ Ankaranın terrorçu kimi təqdim etdiyi YPG və PKK qüvvələri ilə mübarizə bəhanəsilə Suriyaya qarşı hücumları Suriyanın xalqı və dövləti, həmçinin beynəlxalq ictimaiyyətin kəskin müxalifəti ilə üzləşibdir.