Türkiyədə koronavirusdan daha 24 nəfər ölüb
İyun 24, 2020 22:32 Asia/Baku
Türkiyədə yeni növ koronavirusdan (COVID-19) bu gün daha 24 nəfər ölüb.
SəhərAzəri APA-ya istinadla xəbər verir, bunu Türkiyənin Səhiyyə naziri Fəxrəddin Qoca yeni növ koronavirusla (COVID-19) mübarizə tədbirlərilə bağlı yaradılan Elm Qurmunun toplantısından sonra belə bildirib.
Nazir qeyd edib ki, son 24 saatda 53486 şübhəli koronavirus testindən keçib, onlardan 1492-nin cavabı pozitiv çıxıb. Bu gün 1386 xəstə sağalıb.
Türkiyədə yeni növ koronavirusdan indiyədək 5025 nəfər ölüb, 191657 nəfər bu infeksiyaya yoluxub, 164234 nəfəri isə müalicə olunub.
