İran Türkiyəyə qaz tədarükünü davam etdirəcək
Türkiyənin mavi yanacağa olan tələbatının 16 faizini İran təmin edir
İran İslam Respublikası və Türkiyə qaz ixracı sahəsində yeni razılaşmalar əldə ediblər. Bu barədə İranın Milli Qaz Şirkətinin nümayəndəsi Məhəmməd Rza Colayi bildirib.
O deyib ki, Milli Qaz Şirkəti Türkiyənin “Botaş” şirkətinin nümayəndələri ilə görüş zamanı bir sıra razılaşmalar əldə olunub. Razılaşmalara uyğun olaraq, İran qazının Türkiyəyə ixracı ilə bağlı növbəti altı ay ərzində koordinasiya olunmuş şəkildə həyata keçiriləcək.
Onun sözlərinə görə, görüş zamanı İran qazının ixrac imkanlarının hazırkı səviyyəsi və ölkələr arasında əməkdaşlığın digər formalarının genişləndirilməsi ilə bağlı fikir mübadiləsi aparılıb.
Qeyd edək ki, İran Türkiyəyə Tengiz-Ankara qaz kəməri vasitəsilə ildə orta hesabla 10 milyard kubmetr qaz verir. 2021-ci ildə İran qazının Türkiyənin enerji balansındakı payı 16%-ə yaxın olub.
