SAHAR

İran İslam Respublikasının müdafiə naziri ölkədə istehsal edilən müdafiə təchizatlarının keyfiyyətinin dünya standartlarına cavab verdiyini bildirib.

İRNA-nın məlumatına görə, general-mayor Hüseyn Dehqan ilk müdafiə keyfiyyəti seminarında deyib: İranın Müdafiə Nazirliyinin strategiyası müdafiə təchizatlarının istehsalında ən yüksək keyfiyyətə nail olmaq və dünyanın modern müdafiə təchizatları ilə rəqabət aparmaqdır.
General-mayor Dehqan həmçinin, müdafiə təchizatlarının istehsalında yerli potensiallar, bacarıqlı və istedadlı kadırlar, yenilik və yaradıcılıq xüsusiyyətlərindən faydalanmağa işarə edərək, deyib: Bu mühüm məqsədə nail olmaq üçün davamlı olaraq ehtiyaclarımızı nəzərdən keçirir və onlara uyğun məhsullar istehsal edirik.
İran ordusu Dəniz Qoşunları komandanı kontr-admiral Həbibullah Səyyari də bu seminarda deyib: Çox yaxşı geo-siyasi mövqeyə malik olmaq, zəngin enerji qaynaqları və "müstəqillik, azadlıq və İslam Respublikası" şüarına əsaslanan İslami İran dünya görüşü İrana qarşı təhdidlərin başlıca səbəbidir.
Sepah-ın baş komandan əvəzi general Hüseyn Səlami də bu seminarda deyib: Bütün düşüncələr və təfəkkürlər müdafiə məhsullarının keyfiyyətinin yaxşılaşdırılmasına yönəlməlidir.