İran rəsmiləri tərəfindən əsir mübadiləsi razılaşması çərçivəsində azad edilən 5 amerikalının olduğu təyyarə Doha Beynəlxalq Hava Limanından havaya qalxıb.

Bazar ertəsi axşam azad edilmiş 5 ABŞ vətəndaşını daşıyan təyyarə Vaşinqton və Tehran arasında danışıqlarda vasitəçi rolunu oynayan Dohaya enib.

Amerikalıları Qətərin İrandakı səfiri Məhəmməd bin Həməd əl-Həcri müşayiət edib.Təyyarədə ABŞ administrasiyasının məlumatına görə, İranı tərk etmək qadağan edilmiş keçmiş məhbusların iki ailə üzvü də olub

.Qeyd edək ki, ABŞ rəsmiləri məhbus mübadiləsi sazişi çərçivəsində beş İran vətəndaşının hamısını azad ediblər. Onlardan ikisi - Mehrdad Muin Ansari və Reza Sarhanqpour artıq Tehrana gəliblər.