SAHAR

İmam Əlinin (ə) pak hərəminə Məhərrəm ayı üçün qara bayraqlar asılıb

Nəcəfül-Əşrəfdə yerləşən İmam Əlinin (ə) müttəhhər hərəmi Məhərrəm-Səfər əyyamının yaxınlaşması münasibətilə matəm hazırlıqlarına başlayıb.

Deyerler.org İmamali saytına istinadən xəbər verir ki, matəm hazırlığı çərçivəsində, hərəmin daxilində və ətrafında İmam Hüseyn (ə) adı qeyd olunan qara bayraqlar asılıb. Eyni zamanda hərəmin minarələri də qaraya bürünüb.

Bundan başqa Məhərrəm-Səfər əyyamında matəm məclislərində günlər üzrə iştirak edəcək alimlərin, xətiblərin, Əhli-Beyt (ə) şairləri və zakirlərinin adları qeyd olunub.

Zəvvarların artımını nəzərə alaraq, hərəmdə və Nəcəfül-Əşrəfdə xüsusi təhlükəsizlik tədbirlərinin daha gücləndirilmiş rejiminə keçildiyi qeyd olunur.