Həsən Yəzdani sərbəst güləş üzrə 16 illik tilsimi qırdı

İranın sərbəst güləş üzrə yığma komandasını 74 kiloqram çəki dərəcəsində təmsil edən Həsən Yəzdani Rio olimpiya oyunlarının çempionun olub.

 2016-cı il Rio olimpiya oyunlarının sərbəst güləş yarışlarının davamında Həsən Yəzdani 74 kiloqram çəki dərəcəsində birinci mərhələdə istirahət etdikdən sonra 2 dəqiqədən az bir müddətdə Haitidən olan güləşçini 7-0 hesabı ilə məğlub edib. O, sonrakı mərhələdə də Türkiyə təmsilçisi- Suner Demirtaşı 10-0 hesabı ilə məğlubiyyətə uğradaraq, yarımfinala vəsiqə qazandı.

Yəzdani bu etapda da Qazaxıstan nümayəndəsi Yuserbayevi 1 dəqiqə 43 saniyə ərzində 10-0 hesabı ilə məğlubiyyətə uğradaraq, finala çıxdı. O, qızıl medal uğrunda mübarizə aparmaq üçün Rusiyadan olan Ənvər Geduyev ilə görüşdü.O, bu görüşü 6-6 hesabı ilə başa vurub. Lakin sonuncu xalı qazandığına görə, qızıl medala layiq görülüb. Beləliklə, İranın sərbəst güləşi 16 ildən sonra olimpiya oyunlarında qızıl medal əldə etdi.