İran İslam Respublikası silahlı qüvvələrinin baş qərargah rəisi Azərbaycan Respublikası prezidenti İlham Əliyev ilə ilə görüşüb, danışıqlar aparıb.

İRİB-nin Bakıdan verdiyi məlumata görə, bu görüşdə iki ölkə arasındakı tarixi və mədəni bağlara işarə olunaraq, ikitərəfli əlaqələrin siyasi, iqtisadi, hərbi, müdafiə və təhlükəsizlik cəhətləri müzakirə edilib. Görüşdə hər iki ölkənin ikitərəfli əlaqələrin bütün sahələr üzrə günişləndirilməsində ciddi siyasi iradəyə malik olduğu da vurğulanıb. 

Hərbi və texniki əməkdaşlıqların genişləndirilməsi, sərhədlərin təhlükəsizliyinə nəzarət və regionda sülh və sabitliyin möhkəmləndirilməsində əməkdaşlıq, terrorizm ilə mübarizədə təcrübə mübadiləsi bu görüşdə müzakirə olunan digər mühüm mövzular olub.