İranın Mərkəzi Bankının müdiri cari milad ilində İran iqtisadiyyatının diqqətəlayiq inkişafından xəbər verib.

IRIB-nin məlumatına görə, İranın Mərkəzi Bankının müdiri Vəliyullah Seyf çərşənbə günü deyib ki, beynəlxalq təşkilatlar 2016-cı ildə İranın iqtisadi inkişafının beş-yeddi faiz olacağını proqnoz ediblər.

Vəliyullah Seyf həmçinin Pul və Kredit Şurasının faiz dərəcəsi və kredit faizinin azalması üzrə son qərarlarına işarə edərək, vurğulayıb: Xoşbəxtlikdən, bankların özləri inflyasiya göstəricisinin 40 faizdən on üç faizə enməsinə əsasən, bu nəticəyə gəliblər ki, öz faiz dərəcələrini azaltsınlar və bu məsələ fevralın sonlarında icra olunacaq.