İran İslam Respublikası hüquq-mühafizə orqanının 3 əməkdaşı silahlılarla toqquşmada şəhid olub.

Təsnim İnformasiya Agentliyinin məlumatına görə, İranın cənub-şərqində yerləşən Sistan və Bəluçestan vilayətinin hüquq-mühafizə orqanının komandanı mayor Hüseyn Rəhimi deyib: Silahlıların Xaş rayonunda yoxlama-keçid məntəqəsinə hücumu nəticəsində 3 hüquq-mühafizə əməkdaşı şəhid olub.

Hüseyn Rəhiminin sözlərinə görə, bu hücumda bir nəfər də yaralanıb.

Hüquq-mühafizə komandanı silahlıların həbs olunmasını vurğulayaraq əlavə edib: Hüquq-mühafizə qüvvələri son damla qanına qədər İranın ərazi bütövlüyü və təhlükəsizliyini müdafiə edəcəklər.