İranın yunan-roma güləşçiləri bu idman növü üzrə Hindistanda keçirilən Asiya çempionatının ilk günündə üç qızıl və bir bürünc medal qazana biliblər.

IRNA-nın məlumatına görə, 80 kiloqram çəki dərəcəsində yarışan güləşçimiz Ramin Taheri dünən bu çəki dərəcəsi üzrə final görüşündə Cənubi Koreyadan olan rəqibi Tsziyun Hun Kimi 3-1 hesabı ilə məğlub edərək, Asiya qızılını əldə edibdir.

Seyid Mostəfa Salehizadə də 98 kiloqram çəki dərəcəsinin final görüşündə Cənubi Koreyadan olan rəqibini 14-4 hesabı ilə məğlub edərək, İran komandasına ikinci qızıl medalı gətiribdir.

Behnam Mehdizadə isə 120 kiloqram çəki dərəcəsində finalda özbək rəqibini 3-1 hesabı ilə məğlub edərək, İran komandasına 3-cü qızıl medalı müjdə gətiribdir.

Həmçinin Əli Ərsəlan 66 kiloqram çəki dərəcəsində üçüncü yer uğrunda apardığı mübarizədə özbək güləşçi Elmorat Tasmoradov üzərində qələbə çalaraq, öz kiloqram çəki dərəcəsində Asiya yarışlarının 3-sü olubdur.

Hindistanda keçirilən yunan-roma güləşi üzrə Asiya çempionatının ilk beş çəki dərəcəsi üzrə yarışlar dünən səhərdən təşkil olunub. Üç digər çəki dərəcəsi üzrə görüşlər isə bu gün keçiriləcəkdir.