SAHAR

İran İslam Respublikası prezidenti dünən Tehranda Rusiya və Azərbaycan Respublikası prezidentləri ilə müştərək mətbuat konfransında üç ölkənin ikitərəfli və regional məsələlərdə geniş razılaşmalarından xəbər verərək deyib: İran, Rusiya və Azərbaycanın məqsədi dinc qonşuluq münasibətləri ilə yanaşı daha yaxın əlaqələrin yaradılması və üç ölkənin potensiallarından faydalanmaqdan ibarətdir.

Həsən Ruhani Bakı və Tehran iclaslarının İran, Rusiya və Azərbaycan Respublikası arasında və Avrasiya bölgəsində nəqliyyat barədə qəbul etdikləri qərarlara toxunaraq deyib: Üç ölkə şimal-cənub beynəlxalq dəhliz vasitəsi ilə Avropa və Asiya qitələrini birləşdirmək istəyirlər. 

İran, Rusiya və Azərbaycan prezidentlərinin ilk üçtərəfli iclası 2016-cı il avqust ayında Bakıda keçirildi. 

İran İslam Respublikası prezidenti Tehran iclasının iqtisadi qərarlarına toxunaraq deyib: Üç ölkə daha yaxşı bank əməkdaşlıqlarını və iki və üçtərəfli ticarətdə milli valyutadan istifadə edilməsini planlaşdırırlar. 

Ruhani üç ölkə prezidentlərinin müzakirələrinin prioritetlərindən birinin də regional məsələlər olduğunu bildirərək deyib: İran və Rusiya arasında təhlükəsizlik, sabitlik və xüsusilə Suriyada terrorizm ilə mübarizə eləcə də Astanada reallaşan İran, Türkiyə və Rusiya arasında üçtərəfli əməkdaşlıqlar xüsusi əhəmiyyətə malikdir. 

Azərbaycan Respubliksı prezidenti də bu mətbuat konfransında İran, Rusiya və Azərbaycan prezidentlərinin üçtərəfli müzakirələrini uğurlu hesab edərək deyib: Üç ölkə arasında əlaqələr genişlənməkdədir. 

İlham Əliyev İran, Rusiya və Azərbaycan xalqlarının ortaq tarixə və mədəniyyətə malik olduqlarını vurğulayaraq deyib: İran İslam Respublikası, Azərbaycan Respublikası və Rusiya Federasiyası regionda sabitlik, təhlükəsizliyin bərqərar olunması, eləcə də terrorizm ilə mübarizədə böyük rola malikdirlər. 

Bu mətbuat konfransında Rusiya prezidenti İran və Azərbaycan prezidentləri ilə birgə danışıqlardan razılıq ifadə edərək üç ölkə arasında əlaqələrin bütün sahələrdə genişləndirilməsini vurğulayıb. 

Vladimir Putin həmçinin İran və Rusiya arasında Suriya məsələlərindəki əməkdaşlıqlara da toxunaraq deyib: İran və Rusiya Suriya böhranının həll edilməsi ardıncadırlar. 

İran, Rusiya və Azərbaycan prezidentlərinin ikinci iclası dünən Tehranda keçirildi. 

Prezidentlərin üçüncü üçtərəfli iclası isə 2018-ci ildə Moskvada keçiriləcək.