İran və Türkiyənin rabitə və informasiya texnologiyaları nazirləri iki ölkə arasında rabitə və informasiya texnologiyaları üzrə birgə işçi qrupunun təşkil edilməsi üzrə razılıq əldə ediblər.

İRNA-nın məlumatına görə, Məhəmməd Cavad Azəri Cəhromi və Əhməd Aslan Bakıda İqtisadi Əməkdaşlıq Təşkilatının rabitə və informasiya texnologiyaları nazirlərinin 2-ci iclasının kənarında görüşərək danışıqlar aparıblar. 

Görüşdə İran və Türkiyə arasında ötən il kiber təhlükəsizlik sahəsində əməkdaşlıq memorandumunun imzalandığına toxunan Azəri Cəhromi əlavə edib: Bu sahədə əməkdaşlıq iki ölkənin xeyrinədir və İran bu anlaşmanın icra olunmasını müsbət qarşılayır. 

İranlı nazir İslam Respublikasının regionda rabitə və informasiya texnologiyaları sahəsindəki rolu haqda da deyib: İraqın internetinin 70% İrandan təmin olunur və Tehran bu sahədə Türkiyə operatorları ilə əməkdaşlıq edir. 

İranın rabitə və informasiya texnologiyalar naziri ötən gün İqtisadi Əməkdaşlıq Təşkilatına üzv ölkələrin rabitə və informasiya texnologiyaları nazirlərinin 2-ci iclasında iştirak etmək məqsədilə Azərbaycan Respublikası paytaxtı Bakıya səfər edib.