İranın şimal-qərbində bir terror dəstəsi məhv edilib
İranın şimal-qərbində bir terror dəstəsi aşkar olunaraq, məhv edilib.
İslam İnqilabı Keşikçiləri Korpusu- Sepah-ın quru qoşunlarının Həmzeye Seyyedoşşohəda(ə) Qərargahı bu qərargah döyüşçülərinin İranın şimal-qərbində yerləşən Maku şəhərində bir terror dəstəsi ilə toqquşması və həmin terror dəstəsinin məhv edilməsindən xəbər verib.
Səhər Azəri bildirir ki, Həmzeye Seyyedoşohəda(ə) Qərargahının İctimai Əlaqələr Şöbəsi bu gün bir məlumat yayaraq, İrana soxulmaq istəyən dünya imperializminin tabeliyində olan bir əks-inqilabçı terror dəstəsinin Maku şəhərinin ümumi məntəqəsində bu qərargahın döyüşçülərinin kəşfiyyat toruna düşməsindən xəbər verib.
Bu terror dəstəsi ilə Həmzeye Seyyedoşohəda(ə) Qərargahı döyüşçüləri arasındakı toqquşmada terror dəstəsinin hər üç üzvü məhv edilibdir.
Həmzeye Seyyedoşohəda(ə) Qərargahının İctimai Əlaqələr Şöbəsi sonra bildirib: Bu toqquşmada terrorçulardan nəzərəçarpacaq miqdarda silah, sursat, hərbi təchizat və rabitə sistemi aşkar və müsadirə edilibdir.
