İran İslam Respublikası Ordusunun dəniz qüvvələrinin dəniz komandosları komandanı deyib ki, ordunun strateji qüvvələri daxili qüvvələrin ixtisas və biliynə söykənməklə sualtı qayıq düzəltməkdə dünyanın beş üstün ölkəsi arasındadır.

 SəhərAzəri-nin məlumatına əsasən, Kontr-admiral Seyyed Morteza Dərxoran bu gün bir müsahibədə İran İslam Respublikası Ordusunun dəniz qüvvələrinin nailiyyətlərinə işarə ilə bildirib ki, bu qüvvələr İslam İnqilabının Böyük Rəhbərinin göstərişləri və ciddi-cəhd ilə strateji bir qüvvə kimi hərbi gəmi, destroyer, döyüş kreyseri və hoverkraft istehsalında dünyanın üstün güclərindən biridir.

O, İslam İnqilabının Böyük Rəhbərinin «sualtı qayıqlar ilə Fars Körfəzini ələ alın!» göstərişlərinə toxunaraq, bildirib ki, bu göstəriş həyata keçirilib və bütün ölkələr bilirlər ki, İran qüdrətlə sularda iştirak edir və heç bir ölkənin sularda İrana qarşı bir hərəkət etməyə cürəti yoxdur.