İnqilab Rəhbərinin informasiya mərkəzinin azəri mediası və hind vebsaytı fəaliyyətə başlayıb.

SəhərAzəri-nin məlumatına əsasən, İslam Peyğəmbəri(s.ə.s)-in və İmam Cəfər Sadiq(ə)-ın mövlud günləri və Vəhdət Həftəsinin gəlişi ilə bir vaxtda Həzrət Ayətullahuluzma Xameneinin Əsərlərinin Qorunması və Nəşri İdarəsinin informasiya mərkəzinin (KHAMENEI.IR) azəri mediası və hind vebsaytının fəaliyyəti başlanıb.

Həzrət Ayətullahuluzma Xameneinin Əsərlərinin Qorunması və Nəşri İdarəsinin informasiya mərkəzinin hind mediası bundan öncə sosial şəbəkələrdə fəaliyyətə başlamışdı və hazırda “hindi.khamenei.ir” internet ünvanı ilə izləyicilər üçün əlçatan olacaq.

Hind vebsaytının fəaliyyətə başlaması ilə bir zamanda Qafqaz bölgəsi izləyiciləri üçün də sosial şəbəkələrdə azəri mediası, “facebook.com/Khamenei.az” və “twitter.com/az_Khamenei” ünvanlarında fəaliyyətə başlayıb.

2003-cü ildən fəaliyyət göstərən KHAMENEI.IR informasiya mərkəzi İslam İnqilabının Böyük Rəhbərinin xəbərləri, bəyanatları, təfəkkür və rəftar tərzini işıqlandırıb, onların məzmununu müxtəlif dillərdə hazırlayır və dərc edir.