İranın xarici işlər naziri bazar ertəsi BMT-nin İnsan Haqları Şurasının iclasında etdiyi çıxışında deyib: "İnsan Haqları Şurası öz əsas missiyasından uzaq olaraq, Qərb dövlətlərinin əlində siyasi vasitəyə çevrilib".

SəhərAzəri-nin məlumatına əsasən,İran İslam Respublikasının xarici işlər naziri Hüseyn Əmir Abdullahian bu gün BMT-nin İnsan Haqları Şurasının 52-ci sessiyasında çıxış edib. 

Əmir Abdullahian deyib: "Heç bir dövlət və ya qrup insan hüquqlarına müstəsna sahiblik və ya himayəçilik iddiası etmək hüququna malik olmamalıdır. Həmçinin heç bir dövlət başqalarını insan hüquqlarının hər hansı özbaşına şərhinə tabe olmağa məcbur etməməlidir".

İranın xarici işlər naziri əlavə edib: "ABŞ-ın birtərəfli məcburetmə tədbirlərinə tabe olan Avropa ölkələri və digər digər ölkələrin İranın insan haqları haqqında danışmağa mənəvi səlahiyyəti yoxdur". 

Əmir Abdullahian qeyd edib ki, iranlıların insan haqlarını müdafiə etmək və eyni insanları sağlamlıq, təhsil və yaşamaq kimi əsas hüquqlarından məhrum etmək tamamilə ikiüzlülükdür.

Xarici işlər naziri Məhsa Əmininin kədərli vəfatından sonra İranda keçirilən dinc toplantılara işarə edərək, deyib: "Bu dinc toplantılar bəzi terrorçu ünsürlərin bədxah müdaxiləsindən sonra zorakılığa çevrildi və ABŞ və Britaniyada fəaliyyət göstərən bir sıra farsdilli telekanallar öz xəbər proqramlarında nifrətin təxribatçıları və zorakılığın təbliğatçısı kimi çıxış etdilər".

Əmir Abdullahian dünyanın müxtəlif yerlərində ekstremist və terrorçu qrupların yaranması və böyüməsini müasir dövrün ən mühüm problemlərindən biri adlandırıb və deyib: "Son zamanlar bəzi qərb ölkələrində Qurani-Kərimin təhqir olunması və İranda müqəddəs "Şahçırağ" hərəmində qadın və uşaqların da olduğu 13 günahsız iranlının həyatına son qoyan terror aktı bunların bir neçə nümunəsidir". 

Əmir Abdullahian, şəhid general Süleymaninin İŞİD-ə qarşı fədakarlığının və mübarizəsinin unudulmayacağını bildirib və vurğulayıb ki, İran İslam Respublikası bu cinayətin amillərinin ədalət qarşısında cavab verməsi üçün heç bir səydən əsirgəməyəcək. 

Xarici işlər naziri Fələstinlilərin hüquqlarının pozulmasına toxunaraq, deyib: "Sionist rejim tərəfindən insan haqlarının sistematik şəkildə pozulması və insanlığa qarşı cinayətlər dərhal dayandırılmalıdır, nə qədər ki, Fələstin işğal altında qaldıqca və İsrail vəhşilikləri davam etdikcə BMT-nin insan hüquqları mexanizmləri çətin ki, etibar qazansın".