2016-cı il dekabrın 29-da Azərbaycan-Ermənistan dövlət sərhədində şəhid olmuş əsgər Qurbanov Çingiz Salman oğluna vida mərasimi keçirilib.

 APA-nın məlumatına görə, vida mərasimində Azərbaycan Respublikası müdafiə naziri, şəhidin ailə üzvləri, dövlət və hökumət nümayəndələri, hərbçilər iştirak edib.

Şəhidin atası Salman Qurbanov nəşin geri qaytarılmasına görə Azərbaycan prezidenti İlham Əliyevə və aidiyyəti qurumlara öz təşəkkürünü bildirib.

Vida mərasimində şəhid əsgərin həyat və xidməti barədə məlumat verilib.

Şəhid əsgər doğulduğu Qusar rayonunda dəfn olunacaq.

Şəhid əsgərin meyiti ötən gün Azərbaycana təhvil verilib.