Ermənistanın Gəncəni atəşə tutması beynəlxalq medianın da diqqətini cəlb edib
Beynəlxalq media qurumlarının nümayəndələri Gəncədə ermənilərin raket zərbəsi endirdiyi ərazidə olublar.
SəhərAzəri Baki mənbələrinə istinadən xəbər verir,BBC, “Əl-Cəzirə”, “France 24”, Türkiyənin NTV, TRT Haber, CNN-Türk və digər transmilli media orqanlarının nümayəndələri ermənilərin raket atəşinin törətdiyi faciə və fəsadlarla yerində tanış olmaq üçün bu gün Gəncədə olublar.
Qeyd edək ki, Ermənistan silahlı qüvvələrinin 11.10.2020-ci il tarixdə gecə saat 02.00 radələrində cəbhə zonasından kənarda yerləşən, Azərbaycanın ikinci böyük şəhəri olan Gəncənin mərkəzi hissəsində yerləşən çoxmənzilli yaşayış binalarını raket atəşinə tutub.
Son məlumata görə, raket zərbəsi nəticəsində 4-ü qadın olmaqla 9 nəfər həlak olub, onlarla insan yaralanıb, dağıntılar altında qalanların olduğu bildirilir.
