13 saylı cəzaçəkmə müəssisəsində cəza çəkən, inanclı məhbus Xalid Kazımovun səhhətində ciddi problemlər yaranıb. İslaminSesi xəbər verir ki, bu barədə Cenubpress internet qəzetinə məhbusun yaxınları məlumat veriblər.

Yaxınlarının verdikləri məlumata görə, Xalidin gözləri tutulmaq üzrədir. Öd kisəsindəki ağrılardan yata bilmir. Siyasi məhbusun yaxınları hüquq müdafiəçilərdən, jurnalistlərdən kömək gözləyirlər.

Qeyd edək ki, Masallı dindarlarından olan Xalid Kazımov 2012-ci ilin sentyabr ayında Masallı rayonunda həbs olunub. O, beynəlxalq folklor festivalı ilə əlaqəli tədbirin pozulmasına cəhd göstərmək, dinc sakinlərə və polis əməkdaşına xəsarət yetirmək ittihamı ilə tutularaq, 8 il azadlıqdan məhrum edilib. Xalid Kazımov və yaxınları bu ittihamların saxta və yalan olduğunu bildirirlər.