MM-in komitələrinin birgə iclasında koronavirusla bağlı qanunun qəbuluna ehtiyac olub-olmadığı müzakirə ediləcək

Milli Məclisin Səhiyyə və Hüquq siyasəti və dövlət quruculuğu komitələrinin birgə iclasında Azərbaycanda koronavirusla bağlı vəziyyət müzakirə ediləcək.

APA-nın verdiyi məlumata görə, dinləmə formatında keçiriləcək müzakirələr bazar ertəsi baş tutacaq.

İclasda Səhiyyə Nazirliyi və digər müvafiq qurumların səlahiyyətli nümayəndələri iştirak edəcək.

İclasda koronavirusla bağlı qanun layihəsinin qəbul edilməsinə ehtiyac olub-olmadığı da müzakirə olunacaq.