SAHAR

Amerikada həbsdə olan iranlı-türkiyəli iş adamının 50 milyon dollar zəmanət müqabilində azadlığa buraxılması istəyi ilə müxalifət edildiyi bildirilir.

Rza Zərrab cari ilin mart ayında ABŞ-ın Florida Ştatında yerləşən Mayami şəhərində həbs edilib. O, İrana qarşı tətbiq edilmiş sanksiyaları pozmaqda ittiham edilir.

Rza Zərrabın ilk məhkəmə prosesi aprel ayında Nyu-Yorkda keçirildi. Rza Zərrab bu məhkəmə prosesində İran dövləti və digər orqanlarına kömək etmək məqsədi ilə milyonlrla dollar dəyərində olan mübadilələrin həyata keçirilməsi ilə bağlı qaldırılan ittihamları rədd edib.

Röyters-in cümə axşamı günü verdiyi məlumata görə, prokurorlar məhkəmə sənədlərində belə qeyd ediblər: " Zərrabin zəmanət üçün təklif etdiyi şərait, formal görüntü yaratmaqla, malik olduğu külli miqdarda sərvətdən istifadə edərək, məhkəmədən yayınmağa cəhddir. Bu addım son dərəcə varlı olan müttəhimlərdən başqa, heç bir kəsin imkanlarına sığmayan bir hərəkətdir!"

Onlar həmçinin, Zərrabın indiyə qədər mal varlığı ilə bağlı rəsmiləri aldatdığını bildiriblər.