Liviya ordusunun hava qoşunları Əl-Qaidənin bu ölkədəki başçısını öldürüblər.

İRNA-nın verdiyi məlumata görə, Liviya ordusunun hava qüvvələri bu gün Əcdabiyanın şərqində Ərriqtə bölgəsində Əl-Qaidənin başçısı İbrahim Şeyxi və onu müşayiət edən 5 nəfəri öldürüblər.

İbrahim Şeyx öncə də Benqazi şəhərində ordu qüvvələri ilə toqquşmada bir dəfə yaralanmışdı.

Liviyanın keçmiş diktatoru Müəmmər Qəddafinin 2011-ci ildə devrilməsindən sonra hakimiyyət boşluğundan istifadə edən İŞİD kimi terrorçu qruplar bu ölkənin strateji bölgələrini öz nəzarətlərinə almağa cəhd göstərirlər.