Fransada "sarı jiletlilər" etiraz hərəkatının fəalları və tərəfdarları 36-cı həftə dalbadal aksiya keçiriblər.

Kapitalizm quruluşuna və hökumətin iqtisadi siyasətlərinə etiraz edən Fransa vətəndaşları dünən 36-cı həftə dalbadal küçələrə çıxıblar.

Fransa mediaları xəbər veriblər ki, üç il bundan öncə polis zorakılığının qurbanı olmuş Adama Traore-nin ailəsi "Bomon-syür-Uaz" bələdiyyəsində polis zorakılığına qarşı etiraz aksiyasının keçirilməsini istəyibdir.

Fransada "sarı jiletlilər" etiraz hərəkatı 2018-ci ilin noyabr ayının ortalarından başlanıb. Ona səbəb, hökumətin yanacaq qiymətinin artırılması və varlıların vergilərinin azaldılması barədəki qərarı olubdur.