Trampın videosu üzərində «Manipulyasiya edilib» etiketi
Tvitter sosial şəbəkəsi ABŞ prezidentinin yaydığı videonun üzərinə «Manipulyasiya edilib» etiketi yapışdırıb.
SəhərAzəri xəbər verir, Tvitter özünün bu addımını belə izah edib: Saxta və manipulyasiya edilmiş təsvirləri olan tvitlərin üzərinə bu etiketi yapışdırırıq ki, onların etibar səviyyəsindən agah olmaları üçün insanlara kömək etmiş olaq.
Amerika prezidenti Donald Tramp tvitter-də komediya mahiyyətli bir video yayıb. Bu videoda ağdərili uşaq qaradərili uşağa tərəf qaçır. Videonun altında CNN telekanalının əlaməti görünür və onun kənarında «Dəhşətə düşmüş uşaq rasist uşaqdan qaçır. Deyəsən, irqçi uşaq Trampın seçicilərindən biridir» cümlələri yazılıbdır.
Tramp bu videonun davamında ağ və qaradərili iki uşağın bir-birinə sarı qaçması təsvirini yerləşdirib və iddia edibdir ki, irqi ayrı-seçkilik problemi Amerikadan deyil, onun təbirincə desək, saxta xəbərlər yayan medialardan qaynaqlanır.
Tramp daim onu tənqid edən mediaları, o sıradan CNN telekanalını saxta xəbərlər yayan medialar adlandırır.
