Gürcüstanda silahlı insident, ölən və yaralananlar var

Avq 09, 2020 09:00 Asia/Baku

Gürcüstanın Axalkalaki şəhərində bir qrup şəxs arasında atışma olub, nəticədə bir nəfər ölüb, bir neçə nəfər isə yaralanıb.

Sahar Azari-nin məlumatına görə Gürcüstan Daxili İşlər Nazirliyi (DİN) baş vermiş hadisəni təsdiqləyib.

Bildirilib ki, qarşıdurma zamanı şəhərdə dörd ev və bir hotel yandırılıb. Hadisə yerinə bölgənin polis bölmələri tam heyətlə səfərbər edilib, həmçinin yanğınsöndürmə briqadaları cəlb olunub. Atışmanın saat 19:00-da başladığı və təxminən 1 saat davam etdiyi bildirilib.

Hadisəyə səbəb Kulikam kəndində 27 yaşlı kişinin qətli olub. Onun qohumları qisas almaq qərarına gəliblər: şəhərdə qarşıdurma və dava başlayıb. Bir nəfər güllə yarası alıb

Hadisə ilə bağlı Axalkalakidə “qəsdən adamöldürmə” maddəsi ilə cinayət işi açılıb.