ABŞ-ın iki ştatında genişmiqyaslı yanğınlar davam edir
ABŞ-ın Oreqon və Kaliforniya ştatlarında baş verən genişmiqyaslı yanğınlar hələ də davam edir.
SəhərAzəri “ABC News”a istinadla xəbər verir ki, yanğınsöndürənlərin ABŞ-ın Oreqon Ştatının kol və meşəlik ərazilərindəki yanğını söndürmək üçün cəhdləri dayanmadan davam edir və fövqəladə vəziyyətin elan edilməsi ilə eyni zamanda, bu ştatda 36 yanğın hadisəsi qeydə alınıb.
Həmçinin, yanğının Kaliforniya sərhədindəki şəhər ərazilərinə doğru genişlənməsi yanğının yolu üzərindəki yaşayış məntəqələrinin təxliyə edilməsini yavaşladıb.
Məlumata əsaən, cari ildə baş verən yanğınlarda Kaliforniya ştatının 200 milyon hektar ərazisi yanıbdır. Yanğın ştatın şimal hissələrindən Meksikanın sərhədinədək olan ərazini əhatə edib. Güclü küləklər, həddindən artıq istilər və kəskin isti və quraqlıq ab-hava təkcə Kaliforniya ştatında 25 yanğın hadisəsinin baş verməsinə səbəb olub və iki milyondan çox ərazini kül eləyib.
Kaliforniyanın bəzi bölgələrinin sakinləri ardıcıl 23 gün dumanlı havada nəfəs alıblar və burada görmə üfüqü ən aşağı səviyyəyə çatıbdır.
