Tramp: Bayden ABŞ tarixində prezidentliyə "ən pis" namizəddir

Sen 13, 2020 11:12 Asia/Baku

ABŞ prezidenti seçkilərdəki demokrat rəqibi Co Baydeni "ən pis" namizəd adlandırdı.

Səhər Azəri bildirir ki, Donald Tramp bu sözləri şənbə günü Nevada Ştatında tərəfdarları qarşısında etdiyi çıxışda deyib.

Koronavirus pandemiyası ilə mübarizə qaydalarını kobud şəkildə pozan Tramp prezident seçkilərindəki demokrat rəqibinin ünvanına təhqiramiz ifadələr səsləndirib: "Demokrat Co Bayden ABŞ prezident seçkiləri tarixində "ən pis" namizəddir. O hətta, diri olduğunu belə bilmir. Mən müxtəlif məntəqələrə səfər etdiyim halda, O, evinin zirzəmisində yuxuya dalıb."

Tramp 90 dəqiqə sürən çıxışında demokratların ünvanına sərt tənqidlər yağdırıb, koronavirus ilə mübarizə istiqamətində atılan addımları və irqçilik əleyhinə etiraz edənləri qınayıb.