Zelenski Putinlə danışmaq istədiyini bildirib
Mart 02, 2022 01:25 Asia/Baku
Ukrayna Prezidenti Volodimir Zelenski Rusiya Prezidenti Vladimir Putinlə danışıqlara hazır olduğunu bildirib.
SəhərAzəri-nin məlumatına əsasən, Ukrayna Prezidenti Volodimir Zelenski CNN və Reutersə birgə müsahibəsində bunun üçün şərtini açıqlayıb.
“Rusiya ilə danışıqların başlaması üçün Ukrayna şəhərlərinin bombalanması dayandırılmalıdır”,-deyə Zelenski bildirib.
“Əsas olan ilk növbədə mülki əhalinin bombalanmasını dayandırmaq və sonra danışıqlar masasına oturmaqdır", - deyə Zelenski vurğulayıb.
Volodimir Zelenski bu müsahibədən öncə ABŞ Prezidenti Co Baydenlə telefonla danışıb. Bu barədə Zelenski Tvitterdə bildirib. Telefon danışığında Rusiyaya qarşı sansiyalar və Ukraynaya kömək müzakirə edilib.
