Ukrayna və Rusiyadan qarşılıqlı itkilər barədə açıtlama
Ukrayna Rusiyanın 18 minə yaxın hərbçisini itirdiyini açıqlayıb Rusiya isə Ukraynanın 125 təyyarə və 93 helikopterini məhv etdiyini bildirib.
SəhərAzəri-nin məlumatına əsasən, Ukrayna Müdafiə Nazirliyi "Facebook" səhifəsində Rusiyanın hərbi itkiləri barədə məlumat dərc edib. Məlumatda deyilir ki, fevralın 24-dən bu gün səhər saatlarına qədər Rusiya Ordusunun 684 tankı, 1861 zirehli döyüş maşını, 332 artilleriya sistemi, 107 reaktiv yaylım atəş sistemi, 55 havadan müdafiə sistemi, 150 hərbi təyyarəsi, 135 helikopteri, 7 gəmi/kateri, 96 dronu, 25 xüsusi avadanlığı məhv edilib.
Ukrayna Müdafiə Nazirliyi Rusiya tərəfinin təxminən 18 000-ə yaxın canlı qüvvəsini itirdiyini bəyan edib.
Rusiya Müdafiə Nazirliyinin sözçüsü general-mayor İqor Konaşenkov isə bu gün keçirdiyi brifinqdə bildirib ki, Rusiya Silahlı Qüvvələri Ukraynada keçirilən xüsusi hərbi əməliyyat zamanı 125 təyyarə, 93 helikopter və 400-dən çox pilotsuz uçuş aparatı məhv edib.
