ABŞ gizli şəkildə hipersəs raketini sınaqdan keçirib
"CNN" xəbər kanalı məsələ ilə tanış olan bir mənbəyə istinadən bildirib ki, ABŞ martın ortalarında hipersəs raketini sınaqdan keçirdi, lakin Rusiya ilə gərginliyi artırmamaq üçün onu iki həftə gizli saxlayıb.
SəhərAzəri-nin məlumatına əsasən, "CNN"nin məlumatına görə, hipersəs raketin sınağı ABŞ prezidenti Co Baydenin Avropaya səfəri ərəfəsində həyata keçirilib.
CNN həmçinin öz mənbəyinə istinadən bildirib ki, ABŞ-ın hipersonik hava-reaktiv silah konsepsiyası çərçivəsində hazırlanan hipersəs raketi ilk uğurlu sınağında Sakit okean üzərində "B-52" strateji bombardmançı təyyarədən buraxılıb.
O, 19 min metrdən çox yüksəklikdə 480 kilometrdən çox məsafəni səs sürətini ən azı beş dəfə üstələyən maksimum sürətlə qət edib.
Raket ABŞ-ın Lockheed Martin aerokosmik şirkəti tərəfindən hazırlanmış silahların bir versiyasıdır.
Co Bayden hökuməti 2023-cü il üçün müdafiə büdcəsində səsdən sürətli raketlər də daxil olmaqla uzaq mənzilli raketlər üçün 7,2 milyard dollar tələb edib.
