SAHAR

Finlandiyanın NATO-ya daxil olması bu ölkənin parlamentində təsdiqlənib.

SəhərAzəri-nin məlumatına əsasən, Şimali Avropanın iki ölkəsi olan Finlandiya və İsveçin NATO-ya daxil olması məsələsi Rusiya ilə bu iki ölkə arasında gərginliyə gətirib çıxara bilər.

Finlandiya parlamenti 23 apreldə 200 səsdən 112 lehinə, 12-si əleyhinə olmaqla Şimali Atlantika Müqaviləsi Təşkilatına (NATO) qoşulmağa səs verib. Qanun layihəsi Finlandiya hökumətinin sözü gedən hərbi alyansa qoşulmaq üçün müraciət etməsinə yaşıl işıqdır. Bu addım Finlandiya hökuməti tərəfindən müsbət qarşılanıb. Finlandiyanın xarici işlər naziri Pekka Haavisto şənbə günü deyib: "Bu, Helsinkinin NATO-ya üzvlük üçün müraciət etməsinə yaxşı imkan olacaqdır və ölkən NATO-ya üzvlük üçün ərizələrin göndərilməsini gecikdirməməlidir.

Onun sözlərinə görə, Ukraynadakı münaqişə Helsinkini təhlükəsizlik siyasətinə yenidən baxmağa məcbur edib və Finlandiya və İsveçin NATO-ya üzvlüklə bağlı mövqelərini sinxronlaşdırması yaxşı olardı.

Xatırladaq ki, Ukrayna müharibəsinin başlanması Finlandiyanın NATO-ya üzv olmaq qərarına əhəmiyyətli dərəcədə təsir göstərib. İndi Finlandiya parlamentinin qərarı ilə bu ölkənin NATO-ya üzvlüyü prosesi praktiki olaraq başlayıb və tezliklə reallaşacaq. Təbii ki, bu hərəkət rusları son dərəcə həssas edir. Hazırda Ukraynada genişmiqyaslı müharibə aparan Rusiya İsveç və Finlandiyanın NATO-ya qoşulmasına qəti şəkildə qarşıdır. Moskvanın nöqteyi-nəzərindən bu, Rusiyanın qərb sərhədləri ilə yanaşı, indi ölkənin şimal sərhədlərində də güclü mövqe tutmaq niyyətində olan NATO tərəfindən Rusiyanın mühasirəsinin uzadılması deməkdir. Rusiya Xarici İşlər Nazirliyi xəbərdarlıq edib ki, İsveç və Finlandiyanın NATO-ya qoşulması Avropanın şimalında qeyri-sabitlik riski yarada bilər. Konkret olaraq Rusiya xarici işlər nazirinin müavini Sergey Ryabkov bu yaxınlarda xəbərdarlıq etmişdi ki, Finlandiya və İsveçin NATO-ya daxil olması siyasi və hərbi nəticələrə səbəb ola bilər.

Finlandiya Soyuq Müharibə illərində Sovet İttifaqı ilə sərhədi və coğrafi mövqeyinə görə neytral mövqe tutdu. Bununla belə, NATO və ABŞ liderləri hazırda Avropada oyun qaydalarının əsaslı şəkildə dəyişdiyini və köhnə neytrallıq anlayışlarının bugünkü reallıqlara uyğun olmadığını iddia edir və buna görə də hər iki ölkəni NATO-ya üzv olmağa təşviq edirlər.

Hazırda Finlandiyanın NATO-ya daxil olması Rusiyanın narahatlığını və Moskvanın bu ölkəyə qarşı reaksiyalarını daha da artıracaq. Bu, nəinki ölkənin milli təhlükəsizliyinin yüksəldilməsi demək deyil, əslində ona qarşı təhdidləri görünməmiş şəkildə artıracaq və Rusiyanın reaksiyasına səbəb olacaqdır.