Rusiya Təhlükəsizlik Şurasının sədr müavini Dmitri Medvedev:
Rusiyaya qarşı sanksiyalar beynəlxalq ərzaq böhranına gətirib çıxaracaq
Rusiyaya qarşı sanksiyalar ayrı-ayrı ölkələrdə aclıq ehtimalı və beynəlxalq ərzaq böhranına gətirib çıxaracaq.Bu barədə Rusiya Təhlükəsizlik Şurasının sədr müavini Dmitri Medvedev öz "Telegram" kanalında yazıb.
SəhərAzəri-nin məlumatına əsasən, Medvedev deyib: "Ayrı-ayrı dövlətlərdə aclıq ehtimalı ilə beynəlxalq ərzaq böhranı baş verəcək. Anti-Rusiya sanksiyalarından sonra Ukraynadakı vəziyyətin nizamlanmasında effektivliyini sübut edə bilməyən beynəlxalq institutların fəaliyyətində tənəzzül yaşanacaq."
Qərb ölkələri Ukraynadakı vəziyyətlə əlaqədar Rusiyaya qarşı bir neçə dəfə sanksiya paketi tətbiq edib. Rusiya prezidenti Vladimir Putin bildirib ki, Rusiyanı cilovlamaq və zəiflətmək siyasəti Qərbin uzunmüddətli strategiyasıdır və sanksiyalar bütün qlobal iqtisadiyyata ciddi zərbə vurub. Onun sözlərinə görə, Qərbin əsas məqsədi milyonlarla insanın həyatını pisləşdirməkdir. Cari hadisələr Qərbin həm siyasətdə, həm də iqtisadiyyatda qlobal hökmranlığının altından xətt çəkir.
Putinin sözlərinə görə, Rusiya təcrid olunmaq niyyətində deyil, onu müasir dünyada sərt şəkildə təcrid etmək olmaz.
