Papa Fransisk:
"Qurani-Kərimin yandırılması həqiqətən vəhşi bir hərəkətdir"
Dünya katoliklərinin rəhbəri Argentina İslam Fondunda dinlərin nümayəndəsinin məktubuna cavab olaraq, Quran-ın yandırılması kimi hərəkətləri insan dialoquna maneə kimi dəyərləndirib.
Ötən həftə Argentina İslam Fondunda dinlərin nümayəndəsi Höccətül-İslam Əbdül Kərim Paz dünya katoliklərinin liderinə ünvanladığı məktubda Qurani-Kərimin təhqir olunmasını pisləyərək, bu hərəkəti İbrahim dinləri arasındakı birliyə zidd adlandırıb.
Papa Fransisk də cavab olaraq yazıb:
Dr. Əbdül Kərim Paz əziz qardaşım. Məktubunuz üçün çox sağ olun.
Qurani-Kərimin yandırılması hekayəsi həqiqətən də vəhşilikdir. Bu hallar insanlar arasında humanist və yetkin dialoqa ziyan vurur və ona mane olur.
Papa Fransisk bir müddət əvvəl Birləşmiş Ərəb Əmirliklərinin "Əl-İttah" qəzeti ilə müsahibədə İsveç hökumətini tənqid edərək, Quranın yandırılmasını pisləmişdi.
