Makronun sözləri ciddiyə alınmadı
Fev 28, 2024 12:20 Asia/Baku
Stoltenberq: NATO Ukraynaya qoşun yeritməyi planlaşdırmır
NATO-nun baş katibi Yens Stoltenberq bəyan edib ki, alyans Ukraynaya qoşun yeritməyi planlaşdırmır. Almaniya kansleri Şolts isə Ukraynaya hərbçi göndərilməyəcəyinə zəmanət verib.
Fransa prezidenti Emmanuel Makronun açıqlamalarından sonra Associated Press agentliyinə danışan Stoltenberq deyib: “NATO müttəfiqləri Ukraynaya görünməmiş yardım təklif edir. Biz bunu 2014-cü ildən bəri edirik və daha sonra gücləndirdik. Amma NATO əsgərlərini Ukraynaya yerləşdirmək planımız yoxdur”.
Almaniya kansleri Olaf Şolts da bildirib ki, NATO və Avropa İttifaqı ölkələri ordularını Ukraynaya göndərməmək barədə razılığa gəliblər.
