Fransa polisi Paris olaylarının 3-cü amilinin də fotoşəklini yayımlayaraq, ölkə vətəndaşlarından bu şəxsin kimliyinin müəyyən edilməsində yardımçı olmalarını istəyib.

Fransa xəbər agentliyinin verdiyi məlumata görə, Fransa polisi bazar günü 13 noyabrda Parisdə törədilən terror aktlarının 3-cü amilinin də fotoşəklini yayımlayaraq, onun barəsində məlumatı olanların rəsmi dairələri məlumatlandırmaları istənilib.
Bu fotoşəkil, Paris olayları zamanı üzərindəki partlayıcı qurğunu partladan şəxsə aiddir.
Bu məlumata görə, "Stade De France" stadionu önündə özünü partladan 3 nəfərdən yalnız birinin kimliyini müəyyən etmək mümkün olub. O, Bilal Hədəfi adlı 20 yaşlı bir Fransa vətəndaşıdır və Belçikada yaşayırdı.