SAHAR

ABŞ polisinin Çester şəhərində günahsız şəxsə atəş açmasına etiraz olaraq qaradərililərin keçirdiyi aksiya polisin müdaxiləsi ilə qarşıdurmaya çevrilib.

Fars xəbər agentliyinin verdiyi məlumata görə, Penisilvaniya ştat polisi aksiya iştirakçılarını dağılışmağa məcbur etmək üçün bibər qazından istifadə edib.

NBC telekanalı da bildirib ki, polis qüvvələri şübhəli bir avtomobili durdurmağa çalışdıqları zaman, avtomobilə tərəf atəş açmağa başlayıblar. Hadisə zamanı 2 nəfər yaralanıb. Onlardan biri aldığı yaralar üzündən həyatını itirib.

Bu hadisə zamanı bir polis məmuru da yaralanıb.

Hadisənin baş verdiyi qaradərililər məhəlləsinin sakinləri polisin səhvən yanlış şəxsə tərəf atəş açdıqlarını bildiriblər.