SAHAR

Röyters bildirib ki, Haitidə "Metyu" qasırğasının qurbanlarının kütləvi dəfninə başlanılıb.

Karaib dənizi ətrafındakı ərazilərdə son 10 ilin ən güclü qasırğası hesab olunan " Metyu" qasırğası ötən çərşənbə axşamı günü saatda 230 km sürətlə bu yoxsul ölkədən keçərək minlərlə evi dağıtdı, bir çox yollar bağlandı və on minlərlə insan öz ev-eşiyini tərk etməli oldu. 

BMT-nin verdiyi məlumata görə, son qasırğadan sonra Haitidə bir milyon 400 min əhali humanitar yardımlara ehtiyaclıdır. 

Haitidə Metyu qasırğası o qədər güclu olmuşdur ki, paytaxtı ölkənin cənubuna qovuşduran yeganə əlaqə körpüsü dağılıb və telefon əlaqəsindən əlavə ölkənin iki hissəsi arasında fiziki əlaqə də kəsilib.