Trampın müxalifləri həbs edilir
-
Trampın müxalifləri həbs edilir
ABŞ polisi bu ölkənin seçilmiş prezidentinə qarşı etiraz aksiyasında iştirak edənlərdən onlarla nəfəri həbs edib.
Yerli mənbələrdən daxil olan məlumatlara görə, ABŞ-ın bir çox şəhərlərində Donald Trampın prezident seçilməsinə etiraz olaraq aksiyalar keçirilir. Bu etiraz aksiyaları artıq 2 gündür ki, davam edir.
Kaliforniya ştatının mərkəzi olan Los Ancelesdə aksiya iştirakçılarının polisin dağılışmaq əmrinə itaət etməməsinin ardınca 35 nəfər saxlanılıb.
Orqon ştatında, Portlənd şəhər polisi də Tramp ilə müxalif olanlara xəbərdarlıq edərək, piketin qanunsuz olduğunu bildirib. Daha sonra polis bir neçə nəfəri həbs edib.
Polis həmçinin, aksiya iştirakçılarını dağılışmağa məcbur etmək üçün bibər qazından, rezin güllələrdən və dəyənəkdən istifadə edib.
Polisin müdaxiləsi ilə qarşıdurmaya çevrilən bu etiraz aksiyası zamanı bəzi mağazalar və avtomobillərin şüşələri sındırılıb, ümumi əmlaka zərər və ziyan vurulub.
Oklənd şəhərində də Tramp əleyhinə aksiya keçirilib.
Frans Press-in verdiyi məlumata görə, Amerikada Tramp əleyhinə etiraz aksiyalarının əsas iştirakçılarını qadınlar təşkil edir.
