Yəmənin Ali Siyasi Şurası bu ölkə məktəbliləri və xalqının qırğın edilməsinin beynəlxalq ictimaiyyətin susqunluğunun nəticəsi olduğunu bildirib.

Yəmənin Ali Siyasi Şurası bir bəyanat yayaraq Ali-Səud qırıcılarının dünən Paytaxt Sənanın 9-cu rayonunda bir məktəbə qarşı hücumunu pisləyərək bildirib ki, bu cinayətlər Yəmən qüvvələrinin dağıdıcı cavabı sayəsində bu ölkə xalqının müqavimətinin güclənməsinə gətirib-çıxaracaq. 

Yəmənin Ali Siyasi Şurası Səudiyyə Ərəbistanının təcavüzkar hərbi təyyarələrinin son iki il ərzində Yəmənə qarşı vəhşicəsinə hücumlarının Yəmən xalqı qarşısında məğlubiyyətin nəticəsi olduğunu xatırladaraq bildirib: Təcavüzkarlar döyüş cəbhələrindəki məğlubiyyətlərini ört-basdır etmək üçün məktəblər, bazar və yaşayış məntəqələrində günahsız mülkiyə qarşı cinayətlər törədirlər. 

Dünən təcavüzkar Səudiyyə qırıcılarının Sənanın şimal-qərbində 9-cu rayonuna qarşı üç hava hücumunda bir ibtidayi məktəbi hədəfə alaraq 8 məktəblini öldürüb 15-ni isə yaralayıb. 

Səudiyyə Ərəbistanı qırıcıları həmçinin mülkiləri Cibutidən Təəzin Əl-Məxa sahilinə köçürən qayığı bombalayaraq qadınlar da daxil 15 nəfəri öldürüb. 

2015-ci ildən başlayan Səudiyyə Ərəbistanının Yəmənə qarşı hücumlarında 11 mindən çox mülki ölüb və milyonlarla yəmənli didərgin düşüb. Bu hücumlar həmçinin Yəmənin infrasturukturunu o cümlədən səhiyyə və müalicə mərkəzlərini dağıdıb.