SAHAR

Amerika qaradərililərinin vətəndaş hüquqları hərəkatının lideri Martin Lüter Kinqin anım mərasimində baş vermiş atışmada 8 nəfər yaralanıb. Hadisə ABŞ-ın Florida ştatının Mayami şəhərində baş verib.

Press TV-nin məlumatına görə, bu atışma yerli vaxtla çərşənbə axşamı günü saat 15-40-da Martin Lüter Kinqin eyniadlı parkda keçirilən anım mərasimində baş verib.

Mayami polisinin sözlərinə görə, hadisədə bədən xəsarəti almış şəxslərdən biri, 20 yaşlı bir kişidir.

Bu atışmanın səbəbi hələ məlum deyil və bu barədə təhqiqatlar davam edir.

Mayami polisi bildirib ki, həmin atışma ilə bağlı iki şübhəlini istintaq edibdir. Hadisə yerində iki ədəd odlu silah da aşkar edilibdir.