Almaniyada yaşayan minlərlə kürd Frankfurt şəhərində Türkiyə prezidenti Rəcəb Tayyib Ərdoğan və aprel referendumu əleyhinə aksiya keçirib.

Röyters İnformasiya Agentliyinin məlumatına görə, PKK-nın məhbus başçısı Abdulla Öcalanın şəkilləri ilə bayraqlar daşıyan Türkiyə kürdlərinin tərəfdarları şüarlarında Ərdoğanı terrorçu adlandırıb və Öcalanın azad olunmasını istəyiblər. 

Ankara və Berlin arasında əlaqələr Türkiyədə türk əsilli alman jurnalistin həbs olunması və türk nazirlərin Almaniyada referenduma dəstək toplantılarında iştirakına icazə verilməməsi ilə Ərdoğanın bu hərəkəti faşist hərəkəti adlandırması ilə gərginləşib.